உங்கள் பொறுமைக்கு என் நன்றிகள் !

மீண்டு(ம்) வந்தேன்!
ஐந்து மாத விடுமுறையை நன்றாக அனுபவித்த பிறகு, ஊர் வந்து சேர்ந்ததும் பிடித்தது வினை. ஊர் சுற்றல் என்பது எனக்கு, என் கணவர்,மகள், மகனுக்கு எல்லாருக்குமே சுகமானதாய்த்தான் இருக்கும். அதிகமாய் போனால் எனக்கு குறைந்த ரத்த அழுத்தத்தால் தலைசுற்றலும், எல்லாருக்கும் கொஞ்சம் சளி, இருமல் வரும். அவ்வளவுத்தான்!
ஊர் சுற்றி சுற்றி அவ்வளவு பழக்கம்! குடி நீர், பாட்டில் தண்ணி மட்டுமே. சுத்தமான உணவாய் தேடி பிடிப்போம். இல்லை என்றால் கையிருப்பு பழம், பிஸ்கெட்டை வைத்து சமாளித்து விடுவோம்.
இந்த முறை குஜராத் - நிறைய இடங்கள், ராஜஸ்தானில் மவுண்ட் அபு, மும்பை ஆகியவை பதினைந்து நாட்களுக்கு மேல். பிறகு கொழும்பு ( அரை நாள்), மலேசியா- நான்கு நாட்கள் மற்றும் சிங்கப்பூர்- நான்கு நாட்கள் என்று நீண்ட பயணங்கள்.நீண்ட பயணம் எனக்கு பெரும்பயணத்துக்கு வலிக்கோலிவிடுமோ என்று ஊர் வந்து சேர்ந்த நாளில் இருந்து, முதலில் இருமல் தொடங்கியது. பிறகு அதீத ஜூரம் வாந்தி என்று பத்து நாட்கள். டைபாயிட், மலேரியா என்று டாக்டர்களும் குழம்பி கடைசியில் மஞ்சள் காமாலை என்று உடம்பு மஞ்சள் பூசிக் கொண்டதும் எல்லாருக்கும் தெளிவானது.
ஐந்து நாட்கள் ஆஸ்பத்திரிலில் சேர்ந்ததுமே ஜூரம் கட்டுப்பாட்டுக்கு வந்தது. இப்பொழுது ஒரு வாரமாய் கொஞ்சம் தேவலை. இதில் ஊருக்கு வந்த புதியதில் வேண்டாத பிரச்சனையை நானே இழுத்துப் போட்டுக் கொண்டதில் விளைவு, அன்றைய உடலும், மனமும் சோர்ந்திருந்த தருணத்தில் வலைப்பதிவை இழுத்து மூடினேன்.
இப்பொழுது மீண்டும் வேதாளமாய் முருங்கை மரத்தை தேடி வந்து விட்டேன்.
தொடரும்