நவம்பர் - சாலை புகைப்பட போட்டிக்கு- புது படத்துடன். பழையது edit செய்தது

சுந்தரும், ஜீவ்ஸ்சும் சொல்கிறார்களே என்று பிகாசாவை தரவிறக்கி, படங்களை தட்டி சரி செய்துக் கொண்டு இருந்தால், என்ன ஆச்சோ தெரியவில்லை, இணைய இணைப்பு டமால். தொலைபேசியில் கேட்டால், ரிலயன்ஸ் எல்லா இடத்திலும் சர்வரை புதுபிக்கிறேன் இப்பொழுது வந்துவிடும் என்று நேற்றும், இன்றும் சொல்லிக் கொண்டு இருந்தார்கள். நாம் தரவிறக்கியது காரணமில்லை என்று மனசு சொன்னாலும், யாரிடமும் ஒன்றும் சொல்லாமல் பேசாமல் இருந்துவிட்டேன்.

சுந்தர், ஜீவ்ஸ், சிவிஆர் இப்ப படம் எப்படி?




முதல் இரண்டு படங்களும் என் பாலைவன வாழ்க்கையில் எடுக்கப்பட்டவை. முதல் படம் பத்துவருடங்களுக்கு முன்பு, சாதாரண காமிராவில் பிலிம் போட்டு எடுக்கப்பட்டது. ஸ்கேன் செய்து இட்டிருக்கிறேன். பு·ஜெய்ரா என்ற சின்னஞ்சிறு நகரம், எந்த வித பச்சையும் இல்லாத வெறும் பாறையும், புல்பூண்டு கூட இல்லாத ஒருவித கருப்பு மண்ணை கொண்டது. இதில் ஒரு நாள் மழையும், மேகமும் சூழ ஊட்டி போல அழகு கோலம் கொண்ட காட்சி இது. இப்படத்தின் அருமை பாலைவனவாசிகளுக்கு மட்டுமே புரியும்.



அடுத்து, சொல்லவே தேவையில்லை. ஏதோ புதியதாய் ஷார்ஜா போகும் வழியில் ரோடு போட்டு இருக்கிறார்கள் என்று போனால், வழக்கமாய் செல்லும் பயணிகள் என்னடா நம் வழக்கமான பாதையை காணவில்லையே என்று பாவம் தடுமாறுகின்றன. அப்பொழுது தெரு விளக்குகளும் போட பட்டிருக்கவில்லை. இருளில் வழக்கமான பாதை என்று ஒட்டகங்கள் சென்றால்... தன் சுயநலத்துக்காக எல்லாவற்றையும் அபகரிப்பது மனிதனின் செயல் அல்லவா?



இதுவும் சாலை ஓரம். தாயும் பிள்ளையும். பக்கத்தில் போகாதீர்கள் தாய் கடித்துவிடும் என்று வண்டியை நிறுத்தி அரபியில் சொன்ன அரபிய தாத்தா, குட்டி ஒட்டக கறி சூப்பராய் இருக்கும் என்றார். இப்படமும் ஆனந்த் ஒருமுறை இப்படி கருப்பு வெளுப்பு பிண்ணனியில், கலர் காட்டியிருந்தார். ஓரே நாளில் பி.சி. ஸ்ரீராம் ரேஞ்சுக்கு ஆன மாதிரி இருக்கு :-)



உலகிலேயே நாத்திகர் அதிகம் வசிக்கும் இடம் எது தெரியுமா :-) புண்ணிய ஸ்தலங்கள் என்று சொல்லப்படும் இடங்களில்! நீங்கள் பார்க்கும் கூட்டம், நடைபயணமாய் திருச்சி சுற்று வட்டார கிராம மக்கள், ஆடி மாதத்தில், சமயபுரம் மாரியம்மன் கோவிலுக்கு நடந்து போவதுதான். நாங்கள் திருச்சியில் இருந்து காரைக்குடிக்கு வண்டியில் இரவு ஒன்பது மணிக்கு மேல் செல்லும்பொழுது, விளக்கில்லாத பாதையில் இரண்டு பக்கமும் தொடந்து மக்கள் வரிசை, நடந்தே திருச்சி செல்லும் கூட்டம். நடு வீதியில் கூட பேசிக் கொண்டே வருபவர்களை பார்த்து ஓட்டினர், "இது கொஞ்ச வருஷமா பேஷனா போயிடுச்சு. நிறைய ஆக்சிடெண்டுங்க நடக்குது" என்று வருத்தப்பட்டார். பலரின் கையில் செல்பேசி, ஆண்கள் பலர் அரைகால் சட்டையில் :-) ஆனால் சிறு குழந்தைகள் உட்பட காலில் செருப்பு அணியவில்லை. இப்படம் மறு நாள் மாலை திரும்பும்பொழுது எடுத்தது. அப்பொழுதும் கூட்டம் குறையவில்லை.