weird- அம்மணியின் பில்ட்- அப் களைத் தகர்கிறேன் - உஷாவின் மனசாட்சி.

வணக்கம், நான் உங்களை எல்லாம் முதல் முறையா சந்திக்கிறேன். பல உண்மைகளை புட்டு புட்டு வைத்திருக்கிறேன். சொன்னது நானு, அதனால கேள்விகளை, சந்தேகங்களை கமெண்டு பாக்சில் உஷாவிடம் கேட்டுடாதீங்க. அவிங்களுக்கும் இந்த பதிவுக்கும்எந்த சம்மந்தமும் இல்லை.

கவிதா தன் பதிவுல கூப்பிட்டுட்டு ஒரு மெயிலும் போட்டாங்க. இந்தம்மா, நேரமில்லே என்று சொன்னதும், பரவாயில்ல நீங்கவேலைய பாருங்கன்னுட்டாங்க. இதுவே ஒரு புளுகு. காலைல தமிழ் மணத்தைப் பார்த்துட்டு, நாலு கமெண்டுப் போட்டாதான், விரலைல்ல அரிப்பு நிக்கும். பாசமலர் அனி ஓடி வந்து எழுதினாத்தான் ஆச்சுன்னு சொல்லிடுச்சு. ஒடனே கெடக்கிறது எல்லாம் கெடக்கட்டும் கிழவிய தூக்கி மணையில வையினு எழுத்துபணியைத் தொடங்கிட்டாங்க. படிச்சிப் பார்த்துட்டு எனக்கு சிரிப்பு தாங்கலை. என்னா பில் டப்பு! குறைகளை சொல்லிப்பதாக இல்லே பெருமை அடிச்சிக்கிறதான்னு தமாஷா இருந்துச்சு. ஒதுங்குன்னுட்டு, இது நாளுவரை ஊமையா இருந்த நா வெளியே வந்துட்டேன்.

அம்மணியோட கிறுக்கு தனம் ஊர் அறிஞ்ச ரகசியம். இந்த அழகுல ஒருமுறை அம்பலம் சாட்டில சுஜாதா, எழுதுகிறவங்க எல்லாருமே கொஞ்சம் கிறுக்குதான்னு சொல்லிட்டார். ஆக, இந்த கிறுக்குதனமே, எழுத்தாளியா ஆவதற்கு ஒரு தகுதின்னு நெனப்பு அம்மணிக்கு. வயசுக்கு ஏத்த மாதிரி நடக்கிறது என்பது இவுங்க அகராதியிலேயே கிடையாது. எப்பப் பார்த்தாலும், எடக்கு மடக்கா பேசிக்கிட்டு இருக்கிறது, புள்ளைங்கக்கூட ஆட்டம் போடுறதுன்னு ஓரே அலம்பல்தான். அவுங்க வூட்டுக்காரரூ சீரியசா ஏதாவது சொல்லும்போது ஜோக் அடிக்க வேண்டியது. அவரும் பாவம் எவ்வளவோ சொல்லிப் பார்த்துட்டு, நமக்கு வாச்சது அவ்வளவுதானு சைலண்ட் ஆயிட்டாரூ. முரண்பாடுகளின் மொத்த உருவம். ஓண்ணைப் பிடிச்சிடான்னா குரங்கு பிடித்தான். எப்போதும் ஓவர் உற்சாகம். அந்த உற்சாக வெள்ளத்தில் மாட்டினா திக்கு முக்காட வேண்டியதுதான். சிலசமயம் அப்படியே மெளனத்தில் ஆழ்ந்திடுவாங்க. இப்படி கிறுக்குதனங்களை பட்டியல் போட்டா அதுப் போயிக்கிட்டே இருக்கும், நா சிலதை மட்டும் விலாவாரியாய் சொல்லுகிறேன்.

1- ஸ்ரெய்ட் பார்வோட் - இதுக்குப் பேரு என்னத் தெரியுமா? குண்டக்க மண்டக்கன்னு பேசுவது. நேத்து நேரமில்லேன்னு இல்லேன்னு சொல்லிட்டு, நேசகுமாருக்கு ஒரு கமெண்ட்- ஏங்க முகமது நபியை இப்படி கிரிட்டிசைஸ் செய்யறீங்க. ஒடனே அவுங்க இந்துமதத்தைப் பற்றி பேச ஆரம்பிப்பாங்க. நீங்க செய்யறது நல்லா இல்லேன்னு ஒரு கமெண்ட், அடுத்து நேரா விவாத களத்துக்குப் போயி, புர்க்கா போடுரவங்க, முஸ்லீம் பொம்பளைங்க. அப்படி போடாத பெண்களும், தன் வீட்டு பெண்கள் போட சொல்லாத முஸ்லீம் ஆண்களும்தானே பேசணும்னு ஒரு கமெண்ட். நல்லவேளை அனுப்பவதற்குள்ள நான் பார்த்து நல்லா திட்டிட்டேன். பழைய கதையெல்லாம் மறந்துட்டீயான்னு? இப்படிதாங்க, வாயைக் கொடுத்து வம்பை விலைக்கு வாங்குவது. எத்தினிதடவ சொன்னாலும் கேக்கிறது இல்லே :-(

2- அடுத்த பீலா தனிமை விரும்பி- உண்மைதாங்க. பிள்ளைகளை, வூட்டுக்கார்ரை விட்டுட்டு ஊர் சுத்துவது அம்மணிக்கு ரொம்ப விருப்பம். ஆனா செட்டு சேர்ந்துதுன்னு வெச்சிக்குங்க. அம்மா குரலுதான் பெருசா ஒலிக்கும். அது என்ன சிரிப்பு, கும்மாளமோ? அக்கம் பக்கம் யாரு இருக்காங்கனு கூட பார்க்கிறதில்லை. அடக்கம்னு ஒரு வார்த்தை தமிழ்ல இருக்கு இல்லையா, அது அம்மணிக்கு விளங்காத சொல்.அமைதியா இருன்னு நானும் பல தடவை சொல்லிட்டேன், இதுல அம்மணிக்கு அமைதியின் பூஷணமாய் விளங்குபவங்கத்தான் பெஸ்ட் பிரண்டா அமைவாங்க, அப்படி ஒரு யோகம்.

3- ஹெல்த் கான்ஷியஸ்ன்னு சொல்லிக்கிறது. இதோட ரகசியம் என்ன தெரியுமா? அவ்வப்போது பொண்ணு, பையனோட பிரண்ட்ஸ் உங்கம்மாவா இது, உன்னோட சிஸ்டர்னு நெனச்சிக்கிட்டேன்னு சொல்லிடுவாங்க. அம்மணிக்கு உச்சி குளிர்ந்துடும். ஹெல்த்கான்ஷியஸ்னு சொல்லிட்டு, வூட்டு வேலையும் மாங்கு மாங்குன்னு செஞ்சிட்டு, டெய்லி ஒரு மணி நேரம் வாக்கிங். ஆப்பிளு, ஆரஞ்சுன்னு முழுங்க வேண்டியது. ரெண்டு ஸ்பூன் எண்ணையில சமையல்ன்னு டார்ச்சர். நெட்டுல, பத்திரிக்கைகளுல ஏதாவது ஹெல்த் விஷயமா வந்தா வூட்டுக்கார், புள்ளைங்களுக்கு சொல்லி அறுப்பது. பொண்ணு போன் செஞ்சா, டெய்லி நாலு பாதாம், பத்து டிரை கிரேப்ஸ் சாப்பிடு. வாழைப்பழம் சாப்பிடு. சுத்தம் செய்ய வேண்டிய அவசியமில்லே, ரொம்ப ஹைஜீனிக்னு இந்த வரிகளை சொல்லாம போனை வெச்சதா சரித்திரமே இல்லை. அதுங்களும் ஓரளவு கேக்குதுங்க. இது எத்தினி நாளுக்கோ?

4- எதையும் பெருசா எடுத்துக்க மாட்டேன், மேல் தோலு கெட்டின்னு அப்ப அப்ப சொல்லிக்க வேண்டியது. ஓரளவுதான் உண்மைங்க. ஆனா ரொம்ப அபூர்வமா யாருமேலையாவது காண்டு வெச்சாங்கன்னு வையுங்க. அவ்வளவுதான். கொஞ்சம் சொல்லிக் காட்டிக்கிட்டு இருக்க வேண்டியது. சொந்தக்காரங்க, பிரண்ட்ஸ்ன்னு யாராவது சரிப்படலைன்னு வெச்சிக்குங்க, கொஞ்சம் விட்டுக் கொடுத்துப் பார்த்துக்கிட்டு இருப்பாங்க. ஆனா அவங்க சும்மா இல்லைன்னு வெச்சிக்குங்க. அவ்வளவுதான் உனக்கு எனக்கு சம்மந்தம் இல்லைன்னு அப்படியே கட் பண்ணிடுவாங்க. அப்புறம் சமாதானமாய் பேச வந்தக்கூட நீ யாரோ நான் யாரோன்னு பழைய பழக்கங்களை அப்படியே மறந்துப் போச்சுதான்..

5- அன்னியன் (பெண்பால்) - ஆமாங்க, நிறைய விஷயத்துல கொணம் இப்படித்தான் சொல்லவே முடியாது. வீட்டுல புருஷன், பிள்ளைங்ககிட்ட மூக்கு மேலே உட்கார்ந்திருக்கும் முன்கோபத்துல கடுப்பு அடிப்பாங்க. அந்த கடுப்பு பெத்தவங்க மேலையும் உண்டு. ஆனா சொந்த, பந்தம்னா ஒண்ணுமே சொல்ல மாட்டாங்க. கேட்டா குற்றம் பார்க்கில் சுற்றம் இல்லைன்னு ஒரு பழமொழி வரும்.இத்தோட நிறுத்திகிறேன்.

இப்ப மாட்டினவங்க லிஸ்ட்
1- மணியன்
2- மதுமிதா
3- கானாபிரபா
இவங்க மூவரையும் இழுத்ததுக்கு காரணம் பாரா நம்பர் இரண்டின் கடைசி வரிகளைப் படிக்கவும்
4- செல்லி- இணைய ஒளவையார்.
5- முகமூடியார் - தலைமறைவாய் இருப்பவரை இஸ்துக்கினு வரலாம் என்ற நல்லெண்ணத்தில்தான்.