புரியாத புதிர்- 19-1-07

எல்லா பெண்களும் வீட்டில் உள்ள ஆண்களின் நல்வாழ்வுக்காக வாசலில் விளக்கேற்றி வைத்து வரும் ஆபத்தை தடுத்து நிறுத்திப் போராட தொடங்கியுள்ளனர். நன்றி தினமலர் செய்தி. முன்பு இப்படிதான் பச்சை புடைவை கூத்து நடந்தது. வேலைக்காரம்மாகூட பச்சை புடைவை கொடுத்தால், வேலையில் இருந்து நின்றுவிடுவேன் என்று மிரட்டும் அளவிற்குக்கு நிலைமை இருந்தது.

இருந்தால்போல் திருப்பதி தாயாரின் மாங்கல்யம் கழண்டு விழுந்து விட்டது என்ற வதந்தி பரவியது. இனி அவ்வளவுதான், இனி ஊரில் உள்ள அனைத்து இந்து பெண்களுக்கும் அதே கதி. அதனால் எல்லா ஸ்தீரிகளும் பெருமாளிடம் கணவனுக்கு நீண்ட ஆயுளை தரும்படி வேண்டிக் கொண்டு புதிய மஞ்சள் சரடை கட்டிக் கொள்ளும்படி ஆள் ஆளுக்கு வேண்டுக்கோள் விடுத்துக் கொண்டு இருந்தனர். ஆரம்பித்தது பத்திரிக்கை செய்திகள்தான்.பிறகு இங்கிட்டும் ஆரம்பித்து,நானும் சுவாரசியமாய் கேட்டுக் கொண்டு இருந்தேன்.

அதைவிட தினமும் நாலு ஈ மெயில் பயமுறுத்திக் கொண்டு இருந்தன. வந்தவை அனைத்தும் அமெரிக்க தோழிகளிடமிருந்து. அமெரிக்கா என்றால் கானடா, கலிபோர்னியா எல்லா அடக்கம். உங்களுக்கு செளதி அரேபியா,குவைத், அபுதாபி எல்லாம் துபாய் இல்லையா அதுபோல!
போதாக்குறைக்கு பார்க்கிறவங்க எல்லாம் கழுத்தையே பார்க்க வேண்டியது. எல்லாரிடமும் கயிறு போடுகிற பழக்கம் இல்லை.செயிந்தான் என்று சொல்லிக்கிட்டு இருந்தாலும், எனக்கும் லேசாய் ஒரு நப்பாசை, கழுத்தில் இருக்கும் தாலி செயின் (மஞ்ச கயிறு இல்லை) அவுட் ஆப் பேஷன் ஆயிடுச்சே, மாத்திடலாமா என்று, கேட்டதும், தல கேல்குலேட்டரில் செய்கூலி, சேதாரம் எல்லாம் கணக்கு போட்டுவிட்டு, இதெல்லாம் மூட நம்பிக்கை என்று அறிவித்துவிட்டார். ஹ¥ம்...
.
இதுல புரியாத புதிர்- தலைப்பு வந்தாச்சு. அது என்னங்க. பொண்டாட்டிங்களுக்கு ஆபத்து. புருஷனுங்க. ஒரு மண்டலம் ஒரு பொழுது இருக்கணும். விளக்கேற்றி பூஜை செய்யணும்னு யாரும் கிளப்பி விட்டதா சரித்திரமே இல்லை. அது சரி. அப்படி ஏதாவது சொன்னா
சந்தோஷமா விளக்கு ஏத்தி வெச்சிட்டு, சிரியர்ஸ்ன்னு கொண்டாட ஆரம்பிச்சிடுவாங்க இல்லே?