என் கேள்விக்குகளுக்கு என்ன பதில் இரவு கழுகார் அவர்களே!

ஐயா, நேற்றிரவு உங்கள் விளக்கம் பார்த்து புல்லரித்துப் போய் ஒரு கமெண்ட் போட்டேன். இன்னும் அது வெளியாகவில்லை.அதற்குள் உங்கள் பதிவை பலரும் பார்த்திருப்பார்கள். சிலர் அதை உண்மை என்றும் நம்பலாம். எனக்கோ கணிணி அறிவு சுத்தம் அதனால் கேஸ் போடுவேன், ஐபி அட்ரஸ் இப்படி எல்லாம் பேச விருப்பமும் இல்லை. ஆக என்னைப்பற்றி உங்களிடம் இந்த "உண்மையை" எடுத்தியம்பிய புண்ணியவான் யார் என்றுக் கேட்டு நீங்கள் உட்பட யாரையும் தர்மசங்கடத்தில் உட்படுத்த விரும்பவில்லை. ஆனால் பதிவு என்று ஒன்றை வைத்து அதில் பல உண்மைகளை பட்டவர்த்தமாய் வெளியிடும் உங்களிடம் ஓரே ஒரு கேள்வி, எதையும் ப்ரூப் இல்லாமல் செய்ய மாட்டீர்கள் என்றும் மனப்பூர்வமாய் நம்புகிறேன்.

தமிழ் மணத்தில் இருந்து விலகி தேன் கூட்டில் சேருங்கள் என்ற என் பெயரிலான மெயில் ஏதாவது உங்களிடம் இருக்கிறதா? இருந்தால் எந்த ஐடியில்? ஏன் என்றால் அதே ஐடியில் இன்னும் என்ன கூத்து வேண்டுமானாலும் என் பெயரில் செய்யலாம் இல்லையா? இல்லை போகிறப் போக்கில் யாராவது சொன்ன தகவலா? அப்படி யாராவது எதையாவது கொளுத்திப் போட்டால் அதை பதிவாய் போடுவதன் விளவுகள் உங்களுக்கு தெரியுமா?

நான் என் சொந்த பெயரில் பதிவு வைத்திருக்கிறேன். புனித பிம்பமாய் "நுனிப்புல்"லும், முக்காடுப் போட்டுக்கொண்டு வாய்க்கு வந்ததை எழுதவும் வேறு எந்த பதிவும் இல்லை.பலமுறை
சொன்னது, சாட் செய்வதில்லை என்பது மீண்டும் ஒரு முறை! அப்படி இருக்க, என் பெயரை நீங்கள் குறிப்பிட என்ன காரணம்? மேலும் இன்று ஓரள்வு எழுத்து துறையில் என் முயற்சிகள் வென்று வரும் சூழ்நிலையில், நீங்கள் எழுதியது சரியா என்று உங்களையே கேட்டுக் கொள்ளுங்கள்.

நண்பர்களே, என் பேச்சைக் கேட்டு தமிழ்மணத்தில் இருந்து விலகி , தேன்கூட்டில் சேர்ந்தவங்க கையை தூக்குங்கப்பா! உங்களிடம் அப்படிப்பட்ட மெயில் இருந்தால் எனக்கு அனுப்பி வைக்குமாறு பணிவன்புடன் கேட்டுக் கொள்கிறேன்.
இப்படிக்கு,
உஷா