படிப்பும் விடுதலைக்கான அறிவும்- மருதையன்

காதில் விழும் ஒரு சொல்லும், கண்ணில் படும் சில வரிகளும் நாளையே
புரட்டிப் போட்டுவிடுவது அவ்வப்பொழுது நம் எல்லாருக்கும் நிகழ்வதுதான். இன்று காலையில் வந்த ஜூனியர் விகடனில் படிப்பும் விடுதலைக்கான அறிவும் என்ற மருதையன் என்பவர் எழுதிய புத்தகத்தின் மதிப்புரை வாசிக்க நேர்ந்தது.

“மிகச் சிறந்த இசையாகவே இருந்தாலும், அதை ரசிக்கும் காதுகள் இல்லை என்றால், அவர்களுக்கு அவை வெறும் ஒலிதான்” என்ற மார்க்ஸின் மேற்கோளுடன் தொடங்கியிருக்கிறார் மருதையன்.

பள்ளியிலும், கல்லூரிகளிலும் படிப்பதும் இலக்கியவாதிகள் படிப்பதும் வெறும் காரியவாதப்படிப்புகள் என்றவர், எதற்காக படிக்கிறீர்கள் என்ற கேள்வியை நம் முன்பு வைக்கிறார். இந்த கேள்வி காலையில் இருந்து என் மனதில் சுழன்றுக் கொண்டு இருக்கிறது.

பலமுறை நான் எண்ணியதுதான் வியந்தது படித்தவர்களின் சிறுமை தனம் படிப்பு இவர்களுக்கு என்ன சொல்லிதந்தது ? கல்வியோ அல்லது இலக்கியமோ ஏன் சக மனிதத்தை மதிப்பதில்லை? அதற்கு விடையாய் கட்டுரையில் வருகிறது, கலை, அரசியல், பொருளாதாரம், இலக்கியம், ஆய்வு இவைகளில் ஆழ்ந்த படிப்பு சமூக அக்கறையையும், ஆளுமையையும் வளர்க்கும் என்கிறார்.

ஒரு புத்தகத்தை வாசிக்காமல், விமர்சனத்தைப் படித்து மட்டும் அந்நூலினை பற்றி எழுதுவது தவறுதான். ஆனால் படிப்பது பிடிக்கும் என்றால் எதைப் படிக்கிறீர்கள்? எதற்காக படிக்கிறீர்கள் என்ற வரிகளே இந்த பதிவு போட தூண்டியது.

நான் என்ன படிக்கிறேன் – பொழுதுப் போக்க படிப்பதில்லை.

ஏன் படிக்கிறேன் – இந்த கேள்விதான் மனதில் சுற்றிக் கொண்டு இருக்கிறது. வாழ்க்கையை புரிந்துக் கொள்ள படித்துக் கொண்டு இருக்கிறேன். அப்படி என்ன புரிந்துக் கொண்டேன் என்றால் அது என்ன அவ்வளவு சுலபமானதா என்ன :-)