1 shop.co.in

1 shop.co.in சென்ற மாதக்கடைசியில் ஒரு நாள் நாழிதழுடன் ஒரு விளம்பர துண்டு சீட்டு. நீங்கள் எப்படி பொருள்களை வாங்குகிறீர்கள் என்று. அதில் இருந்ததுதான் இந்த தலைப்பு. முயற்சி செய்துப் பார்க்கலாமே என்றுப் பார்த்தால், மாச மளிகை சாமான்களை வாங்க மிக மிக செளகரியமாய் இருக்கிறது இந்த இணைய மளிகை கடை 1 shop.co.in அந்த இணைய முகவரியில் பதிவு செய்ததும், பின் கோட் வைத்து, வீட்டு அருகில் இருக்கும் பெரிய கடையுடன் லிங்க் செய்து விடுகிறது. எனக்கு கிடைத்தது நீல்கீரீஸ்” நான் அந்த பக்கம் போகும்பொழுது அங்கும் சாமான் வாங்குவது உண்டு. அதனால் அங்கு விற்கும் பொருள்களின் தரம் பற்றி தெரியும், விலை நாம் வாங்கும்பொழுது பட்டியலில் வருவதால் அதைக் குறித்தும் குழப்பமில்லை. இதில் மிக மிக நல்ல விஷயம் என்னவென்றால் ஒவ்வொரு பொருளுக்கும், பல பிராண்டுகளின் விலைப்பட்டியலும் கணிணி திரையில் வருகிறது. நாம் விலையையும், தரமான பிராண்டையும் பார்த்து தேர்வு செய்யலாம். நாம் கடையில் ஒவ்வொன்றாய் எடுத்துப் பார்ப்பது இயலாத காரியம். வீட்டில் இருந்தே கணிணி மூலம் ஆர்டர் செய்யும்பொழுது, நேரமும் மிச்சமாகிறது. வேலையும் சுலபமாகிறது. வேறு ஏதாவது தேவையா என்று கடையில் இருந்து தொலைபேசியும் வருகிறது. அவர்களின் பட்டியலில் இல்லாததை அப்பொழுது சொல்லிக் கொள்ளலாம், நீங்களும் முயற்சி செய்துப் பாருங்களேன்.