பின்னூட்டம்- என் முடிவு

பின்னூட்ட பெட்டியில் மாடரேஷன் போட்டதும், பிரச்சனை சரியாகிவிட்டது. ஆகையால் மறுமொழிகளை நீக்கும் பிரச்சனையும்
வெகுவாய் குறைந்துவிட்டது என்று நினைக்கும்பொழுது, இன்று திரு.போலியன் என்பவரிடமிருந்து வேறு நபர்களை விமர்சித்து
ஒரு மடல் வந்துள்ளது. ஆபாசமாய் இல்லை. ஆனால் இது என்னுடைய பதிவு, இதில் எழுதப்படும் கருத்து உங்களுக்கு சரியில்லை என்று தோன்றினால் கருத்தை விமர்சிக்க உங்களுக்கு முழு உரிமையும் உண்டு. அதை எந்த நாளும் நீக்க மாட்டேன்.

இங்கு பின்னூட்டம் இடுபவர்களின் கருத்தையும் விமர்சிக்கலாம், நாகரீகமாய். கருத்தை மட்டும், சம்மந்தப்பட்ட நபரையல்ல!
திரு.போலியன் அவர்களே, என்னை மன்னிக்கவும். நீங்கள் இட்ட மடலை இங்கு அனுமதித்தால், நீங்கள் சொல்லுபவை எனக்கு ஒப்புதல் என்று எண்ணம் மற்றவர்களுக்கு ஏற்படலாம். அதில் எனக்கு விருப்பமில்லை. அவர்களைப் பற்றிய கமெண்டுகளை அவர்களின் பதிவில் போய் சொல்லலாமே?

ஆக, எந்த ஒரு தனிநபரை, இனத்தை, மொழியை, மதத்தை, பிரிவை, நாட்டை விமர்சித்துவரும் எந்த பின்னூட்டமும் இங்கு
பதிவு செய்யப்படாது.

இந்த முடிவு எடுக்க மிக யோசித்தேன், ஆனால் யாரையும் கலந்தாலோசிக்கவில்லை. இவற்றின் விளைவுகளுக்கு நானே பொறுப்பு :-)