நேற்றைய பொழுது

காலையில் போலி டோண்டு முகத்தில் முழித்ததும், ஆரம்ப வரியிலேயே தெரிந்ததும், இரண்டு மடல்களை டெலிட் செய்ததும், பினாத்தல் சுரேஷ் அவர்களின் பதிவுக்கு சென்றேன். அவரிடம் பலமுறை சொல்லியும் மாடரேஷன் செய்வதில் அவருக்கு இருக்கும் பிரச்சனைகளை சொல்லி அவருடைய பாஸ்வோர்ட்டை என்னிடம் கொடுத்துள்ளார்.

இரண்டாவது முறையாய் அந்த எழவைப் பார்த்துவிட்டு குப்பை தொட்டியில் வீசலாம் என்றால், போக மறுத்து பிளாக்கில் மராமத்து பணி நடக்கிறது என்ற அறிவிப்பு வந்தது. எனக்கு இருக்கும் அரைகுறை கணிணி அறிவில் என்ன செய்வது என்று போன் அடித்தால் வீடு செல்பேசி இரண்டும் எடுக்கப்படவில்லை. ஊரில் இல்லையா என்று மிகவும் குழம்பிப் போய் மீண்டும் அவரின் பிளாக்குப் போனால், அதே மராமத்து வேலை நடக்கிறது என்ற அறிவிப்பு.

கண்ணில் பட்டத்தால், இம்முறை மதி, காசி, மாயவரத்தான், செல்வராஜ், டோண்டு மற்றும் அவர்கள் வீட்டு அனைத்து பெண் சென்மங்களை, இப்படியும் ஒரு தாய் வயிற்றில் பிறந்து, சகோதரிகளுடன் வாழ்ந்து, பெண்ணை மணந்து பெண் குழந்தைகளைப் பெறுபவர்கள் சொல்ல முடியுமா? தட்டச்சு செய்யும் விரல்களும் அதைக் கொண்ட உடலும் நாறி போகட்டும் என்று கண் கலங்கி சாபம் இட்டேன்.

அதற்குள் குப்பை தொட்டில் போட ஆரம்பித்தேன், போட போட வரத் தொடங்கியது. அதற்கு முன்பு சுரேஷ¥ம் சாக்கடையை
சுத்தம் செய்ய ஆரம்பித்துள்ளார். அப்பொழுது சுரேஷ் இடமிருந்து போன் வந்ததும், வந்த கோபத்தை அவரிடம் காட்டினேன்.
மாடரேஷன் போடுங்க, ஈமெயில் ஐடி தரேன், நானே வர வர டெலிட் செய்துவிடுகிறேன். என்னால் தாங்க முடியவில்லை என்றேன். அவருடைய ஆத்திரத்தை தீர்த்துக் கொள்ள, சுந்தர தமிழில் அழகாய் சில வார்த்தைகள் என் காது குளிர சொல்லிவிட்டு, மாடரேஷன் போடுகிறேன் என்ற உறுதி மொழியை தந்தார்.

அவரிடம் இந்த மாடரேஷன் விதிமுறையை வலியுறுத்த சொல்லி காசிக்கும், செல்வராஜ்க்கும், மதிக்கும் ஒரு மெயில் போட
போகிறேன் என்று சொல்லிவிட்டு, வேலையைப் பார்க்கப் போனேன். சில மணி நேரம் கழித்துப் பார்த்தால் தமிழ் மணம் நிர்வாகிகளிடமிருந்து இதையே சொல்லி ஒரு மடல். அதுவரை என்னால் எதையும் யோசிக்க முடியவில்லை, செய்யும் வேலையிலும் மனம் ஒப்பவில்லை. உடலும், மனமும் மரத்துப் போனதுப் போல இருந்தது.

அனாமதிய பின்னூட்டமோ அல்லது காட்டமான எதிர்வினையோ மட்டுறுத்தலில் அனுமதிப்பதில் தவறும் இல்லை, அதை அனுமதிப்பதன் விளைவை நாம் எதிர்நோக்கிய அனுமதிக்கிறோம். அவற்றை ஒதுக்கி வைத்தால், அனுப்பியவர்கள் தங்கள் பதிவில் போடப் போகிறார்கள். பிரச்சனை அது இல்லை. வீட்டு பெண்களை இழுப்பது, என் மதம், சாதி சார்ந்த விஷயங்களை குறித்து ஆபாசமாய் கமெண்ட் இடுபவர்கள், என்னாளும் அதை பொதுவில் தன் பதிவில் போட மாட்டார்கள். நான் அதை டெலிட் செய்தால், காப்பி பேஸ்ட் செய்து பிறர் பதிவில் போட்டு, அதை நீங்கள் கருத்து சுதந்திரம் என்ற பெயரில் அப்படியே வைத்திருப்பது நியாயமா? இதை தானே வேண்டாம் என்கிறார்கள்.

ஐயா, ஆபாச பின்னூட்ட வீரதீர சுரர்களே, செய்யும் ஒவ்வொரு செயலுக்கும் ஒரு இடத்தில் கணக்கு உண்டு. அதற்கு ஒரு நாள் நீங்கள் பதில் சொல்ல வேண்டும். சிறு விலங்குகள் கூட தன் குட்டிகளுக்கு கேடு என்றால் பெரியவிலங்குகளை எதிர்க்குமாம், அப்படி எத்தனை பெற்றோரின் சாபங்களுக்கு உள்ளாகிறீர்கள் எனபதை ஒரு கணம் யோசியுங்கள். இன்று அலட்சியமாய் சிரிக்கலாம், ஒரு நாள் இதை நினைத்து அழும்காலம் வரும் என்பதில் எந்த சந்தேகமும் இல்லை.

தமிழ்மண நிர்வாகிகளுக்கு நன்றி