கமெண்டுக்களைக் காணவில்லை

இன்று துளசியின் பதிவில் சாதாரணமாய் ரூபி மேட்டருக்கு ஏன் பின்னுட்டம் போடவில்லை என்றுக் கேட்டதும், அவங்க மூணு கமெண்ட் போட்டேன் நீங்கத்தான் பப்ளிஷ் பண்ணவில்லை என்றதும், முதலில் புரியவில்லை. என்னுடைய மெயில் பாக்சில் இருப்பதை பப்ளிஷ் செய்துவிட்டேனே என்று குழம்பிப் போனேன். பிறகு பிளாக்கர் வழியாய் கமெண்ட் மாடரேஷன் கிளிக் செய்தால், பல கமெண்டுகள், நிறைய வேண்டாதவையும் சேர்ந்து இருக்கிறது. ஆனால் இவை எல்லாம் என் மெயில் பாக்சில் வரவில்லை. ஏன் இப்படி ஆகிறது என்று வல்லுனர்கள் சொல்ல முடியுமா? சமீபத்து பதிவுக்கு நிலா நண்பன், முத்துகுமரன், துளசி, ஆசாத் மற்றும் துபாய்வாசியின் கமெண்டுகள் கண்ணில் பட்டன. இந்த பிளாக்கர் செய்யும் குழப்பத்தில், மன்னிக்கவும் துபாய்வாசி இப்படி எத்தனை பேர்கள் தவறாய் நினைத்துக் கொண்டார்களோ தெரியவில்லை.

ஜெயகுமாருக்கு நான் நேற்றுப் போட்ட பின்னுட்டம் இன்னும் வரவில்லை. இதற்கு முன்பு நிர்மலாவுக்கு போட்டதும் வரவில்லை. அதற்கு முன்பு இப்படி எனக்கும் ஆகியுள்ளது. பலோ அப் செய்ய முடியாததால், அப்படியே விட்டு விடுவேன். நானாக டெலிட் செய்தவை, ஆபாச மற்றும் இன்னொருவர் பெயரில் வந்தவைகளை மட்டும்தான். சிலர் வேண்டாத லிங்குக்களை
தருகிறார்கள் அதையும் பப்ளிஷ் செய்வதில்லை. இந்த பிரச்சனை மற்றவர்களுக்கும் இருக்கிறதா? பார்க்கவும். ஏதோ எழுதி, நாலு கமெண்டு தேற்றலாம் பார்த்தால் அதிலும் குளறுபடியா? பதிவு போட்டுவிட்டு, இலவு காத்த கிளியாய் கமெண்டுக்கு ஏங்கும் மனம், எழுதிவிட்டு காத்திருப்பவர்களுக்குதானே புரியும்