மீண்டும் மகாலஷ்மி

மதுராவின் http://tamizhachchikal.blogspot.com/ - தாய் நாட்டில் ததிகினனத்தோம் -2ல் சில வரிகளைப் பார்த்ததும், ஏதோ ஒருவகையில் நானும் இதில் சம்மந்தப்பட்டிருப்பதால் சில விளக்கங்கள்.

முகம் தெரியாத ஏழைகளுக்கு உதவ வேண்டும் என்று ஆவல் எழுந்தாலும், இருந்தி முகந்திருந்தி அனுமதி வாங்கி பணம் அனுப்ப வேண்டும். ஒரு ஹவுஸ் ஓய்ப்பின் எல்லைகள் உங்களுக்கு புரியும். மாதமானால் குறிப்பிட்ட தொகை இதற்கென்று எடுத்து வைத்து
விட்டாலும், ஆற்றில் போட்டாலும் அளந்துப்போடு என்பதே எங்கள் கொள்கை. ஒருமுறை ஏமாந்ததன் விளைவும், சாதாரண நிலையில் இருந்து, பல போராட்டங்களுக்கு பின் உயர்ந்ததால் ஒவ்வொரு நயா பைசாவின் அருமை தெரியும். கருப்பு பணமோ, வியாபாரம் செய்து
கொட்டுக்கிடக்கும் பணத்தில் இருந்து வரிவிலக்குக்குக்காக உதவி செய்வதோ இல்லை. இந்த சமூகம் எங்களுக்கு தந்ததை நாங்கள் வேண்டியவர்களுக்கு திருப்பி தருகிறோம். நாளை மகாலஷ்மி நல்ல நிலைமைக்கு வந்ததும், அதே போல பிறருக்கு உதவுவார் என்ற நம்பிக்கையுடன்! அறம் செய்ய விரும்பு என்ற பாட்டியே, ஏற்பது இகழ்ச்சி என்றாள். முதலில் அறுபதாயிரம் தேவை என்பதால் ஐந்தாயிரம் அனுப்பினேனே தவிர, முப்பதாயிரம் என்றிருந்தால், தொகையைக் குறைத்திருப்பேன். ஊர் கூடி தேர் இழுத்தால், நாமும் செய்யலாம்
என்ற எண்ணம் மேலும் சிலருக்கு தோன்றும்.

முகம் தெரியாமல் பழகும் இணைய நட்புகள் மூலம் எழும் கோரிக்கைகளில் நம்பகம் மிக மிக முக்கியம். வெளிப்படையான அணுகுமுறையும் முக்கியம். மிகச் சுலபமாக பெயரில்லாத் தாக்குதல்கள் ஆரம்பித்து விட முடியும்! முதல் முறை பாராட்டு மழைகளுடன் வரும் தாக்குதல்களையும் சமாளித்துக்கொண்டு, அடுத்த முறை கொஞ்சம் யோசனையுடன் ஆரம்பிப்பவர்களை இந்த சமூக சேவைக்கஷ்டங்க¨விட்டுத் துரத்துவதும் எளிது - அந்த சாத்தியக்கூறை மறுதளிக்க வெளிப்படையான அணுகுமுறை மிக அவசியம் என்று கருதுகிறேன்.

நிலாவின் கருத்துக்கள் என மனதுக்கு ஒப்பவில்லை. முக்கால் கிணறு தாண்டியாகிவிட்டது. மகாலஷ்மி படித்து முடித்தாக வேண்டும் என்றே தோன்றியது. ஞானவெட்டியான் ஐயாவுக்கு திண்டுக்கல்லுக்கு போன் அடித்தேன். ஐயா தன் நிலைமையை தெளிவாய் விளக்கிவிட்டார். அறுபது வயது கடந்துவிட்டவர், வாழ்க்கை தந்த அனுபவம் யதார்த்தமாய் நான் கேட்காலேயே சொல்லிவிட்டு, சிரமதானம் மட்டுமே செய்யமுடியும் என்றார். வேலையில் இருந்து ஓய்வு பெற்றவர், மனைவியும் தானும், பல்வேறு உடற்கோளாறுகளால் அவதியுறுவதாலும், தன்னால் தற்சமயம் இப்பெண்ணிற்கு பண உதவி செய்ய இயலாது என்றவர், ஓய்வு பெற்று வந்த தொகையில் சில லட்சங்களை ஒதுக்கி, அதில் வரும் வட்டி பணத்தில் 18 ஏழை பிள்ளைகள் படிக்க உதவுவதாகவும் கூறினார். இதய அறுவை சிகிச்சை செய்துக் கொண்டவர் ஆட்டோ பிடித்து கல்லூரியிலேயே சென்று மகாலட்சுமியைப் பற்றி விசாரித்துவிட்டேன் அம்மா, அப்பெண்ணுக்கு உதவுவது அவசியம் என்றார். ஐயா சொன்னதும், தாமதிக்காமல் பணத்தை அனுப்பி வைத்தேன். நிற்க, ஐயா தன் நிலைமையை சொல்லிவிட்டார்.

இதற்கு முன்பும் இப்பொழுதும் இணைய நட்புகளான ரஜினி ராம்கி மற்றும் என்றும் அன்புடன் பாலாவும் கோரிக்கை வைக்கும்பொழுதும் இப்படி நன்கு விசாரித்தே, (போனில், மெயிலில்) என்னால் ஆனதை செய்தேன். அவர்களும் என்ன செய்யப் போகிறோம் என்பதையும்
சொல்லிவிடுவார்கள். மிக துல்லியமாய் கணக்கைக் கொடுத்து விடுவார்கள் மேலும் இவர்கள் ஒருவராய் செய்யாமல் அறிமுகமான நண்பர்கள் இணைந்து செய்வதால் எந்த சந்தேகம் வந்ததில்லை.

பொது நல சேவை செய்வது என்பது சுலபமான விஷயம் அல்ல. கையில் இருக்கும் பணத்தில் அஞ்சோ பத்தோ அனுப்புவது என்பது மிக சுலபம். அதைவிட சுலபமானது செய்வதை வாய்க்கு வந்தப்படி பேசுவது.

ஆனால் மனதில் உறுத்திய சில கேள்விகள், நிலா கேள்வி கேட்டபோது நக்கல் அடித்தவர்கள் (எல்லா கண்ணியங்களையும் மீறிய நக்கல்கள் சேர்த்து), தொடர்ச்சியாய்ப் பதிவு போட்டு "தமிழச்சி"யின் கண்ணீரைத் துடைக்கப் புறப்பட்டவர்கள், எதிர்காலம் இளைஞர்
கையில் என்று ஆனந்த கண்ணீர் சொரிந்தவர்கள் எல்லாம் என்ன செய்தார்கள் என்பது தெளிவாக்கப்படுதல் இப்படிப்பட்ட நிகழ்வுகளின் தொடர்ச்சிகளுக்கு நல்லது.

பி.கு வடிக்கட்டியே பின்னுட்டங்கள் அனுமதிக்கப்படும். இந்த விஷயத்தில் ஞானவெட்டியான் ஐயாவிடம் மட்டுமே நான் நேரிடையாய் பேசியதால், அவர் பெயர் மட்டுமே குறிப்பிட்டுள்ளேன்.