அமரர் கல்கி நினைவு சிறுகதை போட்டி- 2008ல் கிடைத்த பரிசு

கஜினி முகமது கணக்காய் மூன்றுமுறை தோற்று விடாகண்டியாய் நான்காவது முறை பாஸ் செய்துவிட்டேன். மூன்று வருடங்களாய் அமரர் கல்கி நினைவு சிறுகதைப் போட்டிக்கு சிறுகதை அனுப்பிக் கொண்டு இருந்தேன். இவ்வருடம் தேர்ந்தெடுக்கப்பட்ட சிறுகதைகளின் என் கதையும் உள்ளது என்று என் தோஸ்துகள் மதுமிதாவும், ஷைலஜாவும் மெயில் அனுப்பியுள்ளார்கள். செய்தி எனக்கு உறுதிப்படுத்தப்படவில்லை என்றாலும், போட்டிக்கு கதை அனுப்பியதாலும், ராமசந்திரன் உஷா, சூரத் என்றுப் போட்டு இருப்பதால் நானாகத்தான் இருப்பேன் என்று நினைத்தாலும் கதைக்கு நான் கொடுத்த பெயர் "பிறப்பொக்கும்"..." ஆனால் அது தமிழ் வாசகர்களுக்கு புரியாது என்று நினைத்து அட்மிஷன் என்று மொழிப் பெயர்த்து தலைப்பாக்கிவிட்டார்கள் போல :-) எப்படியும் கதை பத்திரிக்கையில் வர இரண்டு மாதமாவது ஆகும். அதற்குள் வழக்கப்படி தைரியமாய் கையைத் தூக்குபவர்களுக்கு, மெயில் ஐடி தந்தால் கதை அனுப்பிவைக்கப்படும் :-)))