கடித இலக்கியமும், இணைய எழுத்தாளர்களும்

சில வருடங்களாய் இணையம் மூலம் அறிமுகமாகிய தோழிகளுடன் ஒரு சந்திப்பு சென்னை வந்தால் கட்டாயம் உண்டு. பாட்டி ஆன மூத்த பதிவரில் இருந்து,போன மாதம் கல்யாணம் செய்துக் கொண்ட இளசு வரை, ஹோட்டல் என்றால் மற்ற டேபிளில் இருப்பவர்கள் திரும்பி பார்க்குமாறு கலகலப்பு இருக்கும்.கடற்கரை என்றால் மாங்காய் பத்தையோ அல்லது வாங்கிவந்த பலகாரங்களையோ மொசுக்கிக் கொண்டு வட்டமாய் உட்கார்ந்துக் கொண்டு, கதையளப்பவர்களை தாண்டிப் போகிறவர்கள் ஒரு விநாடி கண்ணில் வியப்பு மின்ன நின்று பார்த்துவிட்டு போவார்கள்.

இந்த நட்புகளும், இன்னும் சிலரும் சேர மெயில் இலக்கியமாய், சொந்த கதை, இலக்கியம், இட்லிக்கு அரைத்தால் அவல் எவ்வளவு போடுவது போன்ற அனைத்து விஷயங்களும் எங்களுக்குள் பரிமாறப்படுகிறது. இதில் பார்த்தே இல்லாத தோழிகளும் உண்டு. ஆனால் அவர்களை நேரில் பார்த்தவர்களை எனக்கு தெரியும் :-)

எந்த வித தயக்கமோ பயமோ இல்லாமல் கடித இலக்கியம் படைக்கும் இந்த வட்டத்தில் சேர வேண்டும் என்றால் தொடர்ப்பு கொள்ளவும்.ஆனால் மகளிர் மட்டும் மற்றும் பெயரிலிகளுக்கும் முகமூடிகளுக்கும் அனுமதியில்லை.( சாமி, இது யாரையும்
குறிப்பிடும் சொல் இல்லை)

சாரு மேட்டர் என்னடா யாரும் ஆரம்பிக்கவில்லையேன்னு இருந்தது :-) இணையத்தில் "அ" போட ஆரம்பித்து அச்சு இதழ்களில் வெற்றிக் கொடி நாட்டிய நான் இதற்கு பதில் சொல்வது சால சிறந்தது என்பதால் ஆரம்பிக்கிறேன் :-)))

ஐயா, தெருவில் கிரிக்கெட் விளையாடும் குட்டிபையன்கள் அனைவரும் சச்சின் ஆகப் போவதில்லை. ஆனால் சச்சின் தெருவில் விளையாடித்தான் டெஸ்ட் மேட்சுக்கு போனார். இன்று ப்ளாக்கர்கள் அனைவரும் எழுத்தாளர்கள் ஆக போவதில்லை. தெருவில் கிரிகெட் விளையாடிய சிறுவர்களுக்கு சச்சினின் டெடிகேஷன் இல்லை. அவர்களுக்கு அது வெறும்
விளையாட்டு அல்லது பொழுது போக்கு மட்டுமே. அதுக்காக இலக்கியம் படைக்கும் தகுதி இருப்பவர்கள், பிளாக் எழுத வேண்டும் என்று சட்டம் போட முடியுமா என்ன? அவரவர் திறமை, இதற்கும் செலவழிக்க நேரம், பொறுமை, வீட்டு ஒத்துழைப்பு, அதே டெடிகேஷன் இருந்தால் சச்சின் ஆவது பெரிய விஷயம் இல்லை. மற்றவர்கள் சும்மா டைம் பாஸ்க்கு
எழுதி விட்டு காணாமல் போவார்கள், ஆனால் புதியவர்கள் தோன்றிக் கொண்டே இருப்ப்பார்கள்.

ஒரு நாளிதழ் அல்லது வாரந்தரியை வாங்குபவர்களில் வெகு சிலரே முதல் பக்கத்தில் இருந்து கடைசி பக்க கீழ் பார்டரில் இருக்கும் ஆசிரியர், அச்சிட்டவர், முகவரியை கூட விடாமல் படிப்பார்கள். ஆவியில் சந்தா கட்டியுள்ளேன். சிறுகதைகள் ஆரம்பிப்பேன்,
நன்றாக இருந்தால் படிப்பேன். சினிமா பக்கத்தில் விமர்சனம் மட்டும். தற்பொழுது நாஞ்சில் நாடன் தொடர். எந்த காலத்தில் மதன் கேள்வி பதில்கள் படித்ததில்லை. அப்படியே ஆன்மீகமும். அதே போலதான் பிளாக்குகளும்! ஒருவரின் சில பதிவுகள் பார்த்தால் லட்சணம் தெரிந்துவிடும். ஹோட்டல் பலகாரம் போல,நன்றாக இருந்தால் தேடி வந்து சாப்பிட்டு விட்டு, பிறருக்கும் சொல்வார்கள். விளம்பரம் எல்லாம் தேவையேயில்லை. ஆனால் ஒன்று பத்திரிக்கையில் எழுதுவதை விட இணையம், பிளாக்குகளில் எழுதி பெயர் வாங்குவது கடினம் மிஸ்டர். சாருநிவேதிதா.