அழகிரி, வா.மு.கோமு, சாரு நிவேதிதா :-)

தென்மண்டல அமைப்புச் செயலாளர் என்ற முறையில் தென் தமிழகத்தில் கட்சியை வளர்க்க உங்கள் செயல் திட்டம் என்ன?

திமுக வில் தனிப்பட்ட ஒருவருடைய முடிவைக் கட்சியில் திணிக்க முடியாது. இதுவரை பொதுக்குழுவைக் கூட்டித்தான் வரலாற்று ரீதியான நல்ல முடிவுகளை எடுத்திருக்கிறோம். அந்த வகையில் தென் மாவட்டங்களில் செயலாளர்களை ஒன்றுக்கூட்டி கட்சியின் வளர்ச்சிக்குத் தேவையான ஆலோசனைக் கூட்டத்தை நடத்தி வருகிறோம். வாய்ப்பு வரும்பொழுது அதை தலைமைக் கழகத்துக்கு தெரிவிப்போம். அதே நேரத்தில் தென் தமிழகத்தில் கட்சியை பலப்படுத்த தேவையான விஷயங்களையும் போராடிக் கேட்டுப் பெறுவோம்.

மதுரை தொகுதியின் எம்,பியாக நீங்கள் போட்டியிடப் போவதாக உங்களைச் சேர்ந்தவர்கள் சொல்கிறார்கள். நீங்களோ மெளனமாய் இருக்கிறீர்கள். மெளனம் சம்மதத்தின் அறிகுறியா...?நான் முன்பே சொன்னதுப் போல கட்சித் தலைமை என்ன முடிவு செய்கிறதோ அதை ஏற்றுக் கொள்வதுதான் திமுகவின் மரபு. நான் ஏற்றியிருக்கும் தென்மண்டல
அமைப்புச் செயலாளர் பதவிகூட, தலைவரும் பேராசிரியரும் இணைந்து பேசி எடுத்த முடிவுதான். அதே போல கட்சி கட்டளை இட்டால், கண்டிப்பாக மதுரை
தொகுதி எம். பி யாகப் போட்டியிடுவேன்.
---------------------------------------------------------------------------

சாருநிவேதிதா தன் இலக்கியவாரிசாக உங்களை அறிவித்தார். அவரை எப்படி திருப்திப்படுத்தினீர்கள்?

சாருதான் வாரிசென அறிவித்தார். ஆனாலும் நான் அவரோட வாரிசு இல்லை. பாலியல் சம்பந்தப்பட்ட கட்டமைப்புகளை உடைக்கிற பணியை அவருடைய எழுத்து
செய்வதில்லை. பாலியல் வக்கிரம் மட்டும்தான் அவர் செய்வது. ஏறக்குறைய எழுத்தில் வன்புணர்ச்சி. என்னுடைய எழுத்துக்கள் விளிம்புநிலை மக்களின் பாலியல் உறவுகள் சார்ந்தவை. இரண்டு பேருடைய பயணமும் வேறு வேறு பாதையில். அப்புறம் எப்படி நான் அவருடைய வாரிசுங்கறது? எனக்கு இத்தனை நாள் கழிச்சும் புரியவில்லை.

இதைவிடப் பெரிய கொடுமை சாருநிவேதிதான்னா சூப்பர் பிகரா இருக்கும்னு ரொம்ப நாளா நினைச்சுக்கிட்டு இருந்தேன். என்னோட "மண்பூதங்கள்" சிறுகதைத் தொகுதி வெளியிட்டுக்கு சென்னை வந்தப்ப, "இதுதான் சாரு நிவேதிதா"ன்னு ஒரு பெரியவரைக் காட்டினாங்க. என் காதல், காமம் எல்லாம் மளார்ன்னு ஸ்பார்ட்டிலேயே செத்துப் போச்சு. தவிர, கோமுன்னா ஏதோ மாமின்னு நெனச்சேன்னு ஒரு பெருசு என்கிட்ட சொல்ல, தானிக்கும் தீனிக்கும் சரியா போச்சு.

நன்றி. கல்கி 15.03.2009 இதழ்